Ўзбекистон U-19 Тошкентда йиғин бошлади

Кечаги машғулотлар "Жар" стадионида бўлиб ўтди. Бугун ҳам футболчилар 17:00да мана шу стадионда машғулот ўтказишади. Ёшларимиз эртага Япониянинг Хиросима шаҳрига учиб кетишади.

Мазкур турнирда Ўзбекистон ёшлар терма жамоаси Хиросима шаҳри терма жамоаси (U-19), Польша (U-19) ҳамда Япония (U-19) терма жамоаларига қарши ўйинларда майдонга тушадилар. Мазкур турнир ўйинлар 7 августдан 13 август кунигача бўлиб ўтади.

Эслатиб ўтамиз, Ўзбекистон U-19 ёшлар терма жамоаси 26 сентябрь - 6 октябрь кунлари Бангладешда бўлиб ўтадиган U-19 ёшлар ўртасидаги Осиё Чемпионати саралаш баҳсларида иштирок этишади.