Ўзбекистон U-16 ўсмирлар терма жамоаси Куала-Лумпур шаҳрига етиб келди

Терма жамоа делегацияси Куала-Лумпурдаги «Хилтон» мехмонҳонасига жойлашди. Бугун куннинг иккинчи ярмида, маҳаллий вақт билан 17:00да Ўзбекистон ўсмирлар терма жамоаси бу ердаги илк машғулотларини бошлайди.

Аввалроқ хабар берганимиздек, Мочинов шогирдлари Куала-Лумпурда 31 августгача йиғин ўтказишади. Мазкур йиғин давомида эса, 26 ва 28 август кунлари Малайзия U-16 ўсмирлар термасига қарши иккита ўртоқлик ўйинида майдонга тушишади. Малайзиядаги йиғин якунига етгач, терма жамоа Осиё Чемпионатида иштирок этиш учун у ердан тўғри Таиландга йўл олади.

Эслатиб ўтамиз, Таиландда бўлиб ўтадиган U-16 ўсмирлар ўртасидаги Осиё чемпионати 6-20 сентябрь кунлари бўлиб ўтади. Александр Мочинов бош мураббийлигидаги Ўзбекистон U-16 терма жамоаси мусобақанинг гуруҳ босқичида Непал, Кувайт ва КХДР ўсмирлар терма жамоаларига қарши ўйнайди.