Ўзбекистон U-16 "Обод" ёшларидан устун келди
24 июл 2016 17:26
Новости

Ўзбекистон U-16 "Обод" ёшларидан устун келди

Ҳиндистонда бўлиб ўтадиган Осиё чемпионатига тайёргарлик кўраётган Темур Олимхўжаев шогирдлари навбатдаги йиғинни бошлади.

Кеча йиғин доирасидаги илк учрашув "Обод" ёшлар жамоасига қарши бўлиб ўтди. Учрашувнинг биринчи бўлимида пойтахтликлар 11 метрлик жарима нуқтасидан ҳисобни очдилар. Иккинчи бўлимнинг 50-дақиқасида Камолов, 67-дақиқада эса Мўйдинов ҳисобни терма жамоа фойдасига ўзгартирдилар. Орадан уч дақиқа ўтгач Ўрунов якуний ҳисоб, 3-1 бўлишини таъминлади.

Ўзбекистон U-16 3 август куни Дукентда машғулотларини давом эттиради. Шундан сўнг Словакия ўсмирлар терма жамоаси билан сафарда иккита ўртоқлик учрашуви бор.

"Таркибни 95 фоизга аниқлаб олдик. Жароҳатлар безовта қилмаса ўзгариш деярли бўлмайди. Бугунга келиб 23 нафар футболчи билан ишлаяпмиз. Словакияга эса 18 нафар футболчи билан борамиз. У ерда охири машғулот ўтилади ва қайтиб Ҳиндистонга кетамиз. Ҳозирча ҳаммаси жойида, сўнгги иккита ҳориж йиғинидан ҳам кўнглимиз тўлди", - дейди терма жамоа бош мураббийи, Темур Олимхўжаев.

Ссылка :

Источник : championat.asia

Получайте новости прямо в Telegram!

Рейтинг: +8