Ўзбекистон терма жамоасининг расмий машғулоти ҳақида

Сиднейдаги муҳташам ва маҳобатли "Австралия" стадионида Миржалол Қосимов бошчилигидаги жамоамизнинг машғулоти маҳаллий вақт билан соат 17:30да бошланди.

Ушбу саҳифа орқали машғулот ҳақида батафсил маълумот бериб борамиз.

Машғулот терма жамоа шифокори Аброр Пирриевни табриклаш билан бошланди. Футболчилар ва мураббиийлар Аброр акани қарсаклар билан муборакбод этишди.

Дастлабки машғулотда 22 нафар футболчи иккига бўлиниб гандболга ўхшаш ўйин ўйнашди. Майдон ярмида бўлиб ўтган ўйинда футболчилар тўпни қўллари билан шерикларига етказишди, лекин голни фақат бош билан уриш мумкин бўлди.

"Қизиллар": Акбар Тўраев, Шавкат Муллажонов, Анзур Исмоилов, Акмал Шораҳмедов, Виталий Денисов, Тимур Кападзе, Азиз Ҳайдаров, Санжар Турсунов, Одил Аҳмедов, Сервер Жепаров, Игорь Сергеев.
"Кўклар": Элдор Суюнов, Ислом Тўхтахўжаев, Егор Кримец, Шуҳрат Муҳаммадиев, Фаррух Сайфиев, Жасур Ҳасанов, Жамшид Искандеров, Сардор Рашидов, Лутфулла Тўраев, Воҳид Шодиев, Баҳодир Насимов.

Машғулот аввалида Игнатий Нестеров билан Пётр Гизимчук алоҳида шуғулланди.

Сўнгра футболчиларимиз жуфт-жуфт бўлиб футбол ўйнашди. Бунда асосий қоида шеригининг қўлини қўйиб юбормай ҳаракат қилиш. Кичик ўйинда қизиллар ғолиб бўлишди. Шораҳмедов-Турсунов ва Аҳмедов-Жепаров жуфтлиги ўз ҳисобларига гол ёзиб қўйишди.

ОФК регламентига кўра машғулотнинг фақатгина 15 дақиқаси ОАВ учун очиқ бўлди. Шу боис биз КХДР вакиллари иштирокидаги матбуот анжуманига шошилдик. 

Нарзулла Сайдуллаев
Сидней шаҳридан