Ўзбекистон ўсмирлар терма жамоаси иккинчи ўйинда Беларусни мағлуб этди

Темур Олимхўжаев бошчилигидаги Ўзбекистон U-16 терма жамоаси ушбу ўйинни ғалаба билан якунлади. Асад Собиржонов ҳамда Абубакр Мўйдинов киритган голларга Беларусь ўсмирлари бир гол билан жавоб қайтара олишди — 2-1.

25 июнь куни Ўзбекистон ҳамда Беларусь ўсмирлар терма жамоалари ўртасидаги дастлабки ўйин бўлиб ўтган эди ва унда Олимхўжаев шогирдлари 1-2 ҳисобида мағлуб бўлганди.

Таъкидлаш керакки, Ўзбекистон ўсмирлар терма жамоаси 5 сентябрь — 2 октябрь саналари давомида Ҳиндистонда бўлиб ўтадиган ўсмирлар ўртасидаги Осиё чемпионатига тайёргарлик кўрмоқда.

Эслатиб ўтамиз, Ўзбекистон ўсмирлар терма жамоаси Осиё чемпионатига финал босқичига ташланган қуръа натижасига кўра КХДР, Таиланд ҳамда Яман жамоалари билан бир гуруҳдан ўрин олган.

Олимхўжаев шогирдлари турнирни 17 сентябрь куни Таиландга қарши ўйин билан бошлайди. 20 сентябрда Яман ва 23 сентябрь куни эса КХДРга қарши майдонга тушади.

Ўртоқлик учрашуви.

25.06.2016, Минск

Беларусь U-16 - Ўзбекистон U-16 1:2

Ўзбекистон голлари: А. Собиржонов, А. Мўйдинов

Ўзбекистон ўсмирлар терма жамоаси таркиби: Х. Жўраев, М. Намозов, И. Холдоров, А. Мўйдинов, М. Абдуллаев, О. Ўрунов, Г. Азизхўжаев, Д. Абдуманнопов, А. Собиржонов, Р. Йўлдошев, Ш. Неъматов