Ўзбекистон олимпия терма жамоаси Тошкентга қайтиб келди

30 август куни БАА олимпиячиларига қарши ўйин ўтказган Ўзбекистон олимпия терма жамоаси Бобур Юлдашев томонидан урилган гол эвазига ғалаба қозонган эди. 

Сўнгра Дилшод Нуралиев бошчилигидаги терма жамоа Саудия Арабистони олимпия термасига 1:3 ҳисобида ютқазиб қўйди. Бизнинг ягона голимизни Забиҳилло Ўринбоев урганди. 

БААга қарши кечган иккинчи баҳсда вакилларимиз 1:1 ҳисобида дуранг ўйнашди. Тимур Ҳакимов бу сафар гол урди. 

Сўнгги баҳс Саудия Арабистони олимпиячиларига қарши ўтказилди. Бу сафарги ўйинда ҳисоб очилмади - 0:0. 

Эслатиб ўтамиз, Ўзбекистон олимпия терма жамоаси январь ойида Қатардаги Осиё чемпионатида иштирок этади.