Ўзбекистон МТЖнинг навбатдаги йиғинига чақирилган ўйинчилар маълум

Бош мураббий Вадим Абрамов мазкур йиғинга маҳаллий клублардан 26 нафар футболчини чақирди.

ФИФА сентябрь ойидаги ФИФА кунларини 2022 йил январь ойига кўчирганлиги, пандемия шароитида парвозларни амалга оширишдаги қийинчиликлар ва бошқа чекловлар сабаб хорижий чемпионатларда тўп тепаётган ўзбекистонлик футболчилар ушбу йиғинга жалб этилмади.

Йиғин доирасида Миллий терма жамоамиз Тожикистон вакилларига қарши ўртоқлик ўйинида майдонга тушади. Учрашув 3 сентябрь куни "Локомотив" стадионида бўлиб ўтиши режалаштирилган.

Йиғинга чақирилган футболчилар рўйхати:

Дарвозабонлар: Элдор Суюнов ("Пахтакор"), Абдувоҳид Неъматов ("Насаф"), Ботирали Эргашев ("Қўқон-1912").

Ҳимоячилар: Ҳожиакбар Алижонов ("Пахтакор"), Анзур Исмоилов ("Пахтакор"), Санжар Қодирқулов ("Бунёдкор"), Мурод Холмуҳаммедов ("Қўқон-1912"), Игорь Голбан ("Навбаҳор"), Исломжон Қобилов ("Бунёдкор"), Иброҳим Ҳалил Юлдашев ("Бунёдкор"), Ҳусниддин Алиқулов ("Насаф").

Ярим ҳимоячилар: Лутфулла Тўраев ("Бунёдкор"), Ойбек Бозоров ("Насаф"), Азиз Турғунбоев ("Навбаҳор"), Аброр Исмоилов ("Пахтакор"), Нурилло Тўхтасинов ("Бунёдкро"), Фарруҳ Икромов ("Бунёдкор"), Ҳожимат Эркинов (АГМК), Искандар Шойқулов ("Сўғдиёна"), Акмал Мозговой ("Насаф"), Қувондиқ Рўзиев ("Қўқон-1912"), Суҳроб Бердиев ("Қўқон-1912"), Ҳусниддин Ғофуров ("Сурхон").

Ҳужумчилар: Бобир Абдиҳолиқов ("Насаф"), Шаҳзод Убайдуллаев ("Металлург"), Темурхўжа Абдухолиқов ("Локомотив").

P.S. "Пахтакор" жамоаси 1 сентябрь куни Суперлига доирасида "Бухоро"га қарши майдонга тушиши керак. Демак, "шерлар"дан терма жамоага чақирилганлар йиғинга фақатгина 2 сентябрдан қўшила олишади ёки бу борада икки томон ўзаро келишади.