RU

Последние новости

14:57"Ал Иттиҳод" Педро учун 35 миллион евро таклиф қилди  0 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  15 11:56Тимур Кападзе Паулу Бенту ҳақида фикр билдирди  30 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1

Ўзбекистон МТЖ Таиландга қарши ўйин олдидан машғулот ўтказди+Абдулла Абдуллаевдан интервью Новости

Ўзбекистон МТЖ Таиландга қарши ўйин олдидан машғулот ўтказди+Абдулла Абдуллаевдан интервью

Хабарингиз бор, Наманганда Осиё Кубоги-2023 ҳал қилувчи саралаш босқичи бўлиб ўтмоқда.

Эртага "С" гуруҳининг 3-туридан ўрин олган Ўзбекистон - Таиланд учрашуви ўтказилади. Мазкур баҳс олдидан терма жамоамиз навбатдаги машғулотини ўтказди. 

Бугунги машғулотда Ҳусниддин Алиқулов бироз бетоблиги сабабли иштирок этолмади. Қолган барча футболчилар тайёргарлик жараёнида қатнашди. Машғулот кўтаринки руҳда ўтказилди. Жумладан, МТЖ сардори Элдор Шомуродов фотосуратчилик маҳоратини намойиш этди.

Шунингдек, жамоа аъзоси Абдулла Абдуллаев бўлажак баҳс ҳақидаги фикрлари билан ўртоқлашди.

- Бўлажак ўйин биз учун муҳим аҳамиятга эга, чунки мазкур баҳсда ғалаба қозонишимиз шарт. Мухлислар бизни қўллаб-қувватламоқда, уларга миннатдорчилик билдирамиз. Қўлимиздан келганча, чиройли ўйин орқали ғалаба қозониб, саралашни ёруғ юз билан якунлаймиз деган умиддаман. 

- Мальдив оролларига қарши ўйинда рақиб футболчиси билан тўқнашиб кетдингиз ва шифокорлардан ёрдам олдингиз. Ҳозирги аҳволингиз қай даражада?

- Ҳа, бироз лат едим. Бироқ мураббий таркибга киритса, майдонга тушишга тайёрман. 

- АГМКда сизни таянч ярим ҳимоясида кўрардик. Терма жамоада эса марказий ҳимоя зонасида ҳаракат қиляпсиз. Ушбу позицияда ўзингизни қандай ҳис қиляпсиз?

- Футболчи барча нуқтада мукаммал бўлиши керак, мураббий уни қаерга жойлаштирса, ўша ерда ўйнай билиши лозим. Мен иккала позицияда ҳам ўзимни яхши ҳис қиламан, жой танлайдиган одатим йўқ. Муҳими, жамоага нафим тегса бўлгани. 

- Катанец ва Миржалол Қосимовнинг ўхшаш ва фарқли жиҳатларини айта оласизми?

- Уларнинг ўзига яраша қаттиққўллиги, футболга бўлган қарашлари мавжуд. Муҳими, улар ўйинга тайёр бўлишни ҳамда натижа келтира олишни хоҳлайди. 

- Мухлисларга тилакларингиз...

- Мухлисларга бизни қўллаб-қувватлашгани учун яна бир бор миннатдорчилик билдираман. Уларни фақатгина терма жамоа иштирокидаги ўйинларги эмас, мамлакат чемпионатидаги учрашувларга ҳам таклиф қилиб қолардим. Ўйлайманки, чиройли ўйин намойиш этиш орқали уларни хурсанд қилишда давом этамиз.

Бугунги машғулотга оид қизиқарли барча суратларни ГАЛЕРЕЯ бўлими орқали томоша қилишингиз мумкин.

Фото: Толибжон Қосимов

Бугунги машғулотга оид қизиқарли барча суратларни ГАЛЕРЕЯ бўлими орқали томоша қилишингиз мумкин.


Рейтинг: +1   

Комментарии

championat.asia
< посмотреть последние новости
Яндекс.Метрика