Ўзбекистон миллий чемпионатида 100дан ортиқ ўйинда ишлаган ҳакамларни биласизми?
11 дек 2018 19:30
Новости

Ўзбекистон миллий чемпионатида 100дан ортиқ ўйинда ишлаган ҳакамларни биласизми?

Ўзбек футболи статисти Бахтиёр Ширинов телеграмдаги ўз каналида турли қизиқарли маълумотларни бериб бормоқда.

Ҳар бир футбол учрашувида майдонга икки жамоадан ташқари яна бир жамоа ҳаракатда бўладики, уларсиз расман ўйин ўтказишнинг иложи йўқ.

Зукко мухлис дарров англаганидек, бу ҳакамлар гуруҳидир. 27 йиллик чемпионатимиз ўйинларини бугунга қадар 109 нафар ҳакам бошқарибди. Шундан 7 нафари хорижлик ҳакамлар экан. Уларнинг ҳар бири 1тадан ўйин бошқаришган.

Мазкур ҳакамлардан 26 нафари 100лик маррани забт этган. Бу борада карвонбоши сўзсиз Равшан Эрматов бўлиб, ФИФА рефериси бошқарган ўйинлар сони 331тани ташкил этмоқда.
Энг яқин таъқибчиси Владислав Цейтлин ҳисобида 280 ўйин мавжуд. Владислав Григоревич сўнгги турда ҳакамлик фаолиятини якунлагангини эълон қилганини ҳисобга олсак, яқин йилларда Эрматов натижасини ҳеч бир ҳакам янгилай олмайди. Бунинг устига Равшанда ҳали бу натижани янада юксалтириш имконияти бор, - деб ёзади Ширинов ўз каналида.

Ўзбекистон миллий чемпионатида бош ҳакамлар статистикаси (1992-2018)

№	Ҳакамлар	Ўйинлар сони
1	Равшан Эрматов*	331
2	Владислав Цейтлин	280
3	Ноил Лутфуллин	259
4	Рашид Айтеков	214
5	Валентин Коваленко*	194
6	Рустам Саидов	191
7	Гали Имомов	190
8	Сардор Нажафалиев	189
9	Дмитрий Роман	187
10	Марат Исмоилов	179
11	Арслон Ҳотамов	173
12	Ғайрат Каримов	154
13	Бобур Ҳайдаров	148
14	Тоир Тошмуҳаммедов	145
15	Семён Могилевский	138
16	Зокир Абдуллаев	135
17	Александр Попов	130
18	Борис Савочкин	127
19	Виктор Серазитдинов*	127
20	Султон Зайлобиддинов	117
21	Ҳасан Рўзиев*	114
22	Сайфиддин Эрматов	107
23	Валентин Басалаев	104
24	Ильгиз Танташев*	102
25	Александр Пивоваров	101
26	Вадим Агишев*	100