Ўзбекистон Кубоги превьюси: "Пахтакор" - "Қўқон-1912"
25 мая 2014 13:18
Новости

Ўзбекистон Кубоги превьюси: "Пахтакор" - "Қўқон-1912"

25 май, якшанба куни Ўзбекистон Кубогида нимчорак финал жавоб ўйинлари бошланади.

Дастлабки учрашувда Қўқонда 0:0 ҳисобида дуранг ўйнаган "Пахтакор" Тошкентда "Қўқон-1912"ни синовдан ўтказади. Қўқонликлар биринчи лиганинг шарқий минтақасида охирги 3 ўйинда 4 очко тўплашди. Асосан маҳаллий футболчилар билан ўйнаётган жамоа ўзидан ёмон таассурот қолдирмаяпти. "Пахтакор" стадионидаги беллашув Рустам Абдуллаев шогирдларининг жамоавий ўйин даражасини кўрсатиб беради.

Жамоалар таркибида дисквалификацияга учраган футболчилар йўқ. Бу эса учрашувнинг янада кескин ўтишини таъминлаши турган гап. Ўзбек футболининг энг совриндор ва энг биринчи жамоасининг давомчилари иштирокидаги ўйин ишқибозларни бефарқ қолдирмаса керак.

"Пахтакор" ва "Қўқон-1912" жамоалари ўртасидаги баҳс 25 май, якшанба куни "Пахтакор" Марказий стадионида соат 19:00да бошланади. Мухлисларни стадионга чорлаб қоламиз.

"ПАХТАКОР" - "ҚЎҚОН-1912"

Ҳакамлар: Равшан Эрматов (Тошкент), Абдуҳамидилло Расулов (Тошкент), Баҳодир Қўчқоров (Қирғизистон), Виктор Серазетдинов (Тошкент)

Назоратчи: Александр Попов (Тошкент).

Ссылка :

Источник : pakhtakor.uz

Получайте новости прямо в Telegram!

Рейтинг: