Ўзбекистон кубоги: “Чиғатой” — “Яшнобод” учрашуви 16:00да бошланади

Унда ПРО-лига дебютантлари “Чиғатой”(Тошкент), “Яшнобод” (Тошкент), “Иттифоқ” (Навоий), “Иттифоқ” (Бухоро) жамоалари биринчилардан бўлиб баҳсларга киришадилар.

Мусобақанинг 1/32 финал босқичи йўлланмаси тақдирини ҳал қилувчи жуфтликлар “Чиғатой” — “Яшнобод”, “Иттифоқ” (Навоий) — “Иттифоқ” (Бухоро) жамоалари баҳсида аниқланади.

“Чиғатой” — “Яшнобод” жамоалари учрашуви бугун, яъни 19 апрель соат 16.00 да бошланади. Ўйин пойтахтимиздаги Республика олий футбол маҳорати мактаби сунъий қопламали стадионида ўтказилиши белгиланган.

Маълумот ўрнида шуни айтиш керакки, қуръага кўра, “Чиғатой” — “Яшнобод” жуфтлиги ғолиби Ўзбекистон кубоги 1/32 финал босқичида Бухоронинг “Ғиждувон” футболчилари билан баҳс юритишади.