Ўзбекистон футзал МТЖ Хорватияда йиғин ўтказади ва Франция, Черногория ҳамда Кувайтга қарши ўйнайди

Тур якунлангач, ўйинчиларга бир неча кунлик дам берилади. Шундан сўнг 21 январь куни Ўзбекистон футзал терма жамоаси Тошкентда йиғилади. Вакилларимиз Баҳодир Аҳмедов бошчилигида 25 январь санасида йиғин ўтказиш учун Хорватияга учиб кетишади. Хорватия 4 терма жамоа иштирокида халқаро ўртоқлик турнири ташкиллаштирилади. Унда Ўзбекистондан ташқари, Франция, Черногория ҳамда Кувайт терма жамоалари ҳам иштирок этишади.

Терма жамоа йиғинига таклиф этиладиган футзалчилар рўйхати Олий лигада 5-тур беллашувлари якунлангач эълон қилинади.

Эслатиб ўтамиз, Осиё кубоги-2022 саралаши Марказий ва Жанубий минтақа баҳслари 10-12 апрель кунлари Қирғиз Республикасининг Бишкек шаҳрида бўлиб ўтади. Унда вакилларимиз минтақанинг "B" гуруҳида Тожикистон, Афғонистон ҳамда Непалга қарши кураш олиб боришади.

ОФК футзал бўйича 2022 йилги Осиё Кубогининг саралаш учрашувлари тақвимини эълон қилди