RU

Последние новости

13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  0 12:50"Барселона" Ла Лигада Шенснини рўйхатдан ўтказди  0 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  0 11:58Меҳди Таремининг янги клуби маълум  1 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  8 08:17Sofascore. Захирадан майдонга тушган Ўринбоев энг катта баҳолардан бирини олди  5 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  3 07:25"Ал Иттиҳод" мавсумни йирик ғалаба билан бошлади. Бенземадан хет-трик  2 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  27 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2

Ўзбекистон Футбол Федерацияси янги президентининг таржимаи ҳоли Новости

Ўзбекистон Футбол Федерацияси янги президентининг таржимаи ҳоли

Аҳмаджанов Умид Маҳамаджонович 1977 йил 16 май куни Тошкент шаҳрида таваллуд топган.

Миллати ўзбек. Маълумоти олий. Ўзбекистон Давлат жисмоний тарбия институтини имтиёзли асосда тугатган. Тошкент шаҳар Халқ депутатлари кенгаши депутати.

Меҳнат фаолиятини 1995 йилда «Зенит» фирмасида ишчи сифатида бошлаган. 1995-2001 йилларда «Илму Зиёд» хусусий корхонасида ишчи, кейинроқ 26-сонли қурилиш бошқармасида ишчи ҳамда оператор вазифаларида, шунингдек, Олимпия Акционерлик Жамиятида автосаноат бўлими раҳбари сифатида фаолият олиб борган.

Ушбу йиллардаги меҳнат фаолияти давомидаги ишбилармонлиги ҳамда ташаббускорлиги, ташкилий ишлар ҳамда бошқарув соҳасидаги билим ва тажрибалари эвазига 2002 йилда Ўзбекистон ногиронлар спорт федерацияси Бош котиби лавозимига тайинланди. 2007 йилга келиб, дастлаб Ўзбекистон Миллий Паралимпия Ассоцияцияси Бош котиби ҳамда раиси ўринбосари лавозимига тайинланди.

Ушбу ташкилотдаги фаолияти билан биргаликда У. Аҳмаджанов 2007 йилдан эътиборан Ўзбекистон Дзюдо Федерацияси раиси ўринбосари ҳамда Ўзбекистон Олимпия Қўмитаси вице-президенти лавозимларида ҳам самарали фаолият юритди. Умид Аҳмаджанов ушбу ташкилотлардаги фаолияти давомида мамлакатда спорт соҳасининг ривожланишига, шу жумладан, паралимпия спортининг ривожланишида, мамлакат паралимпиячиларининг жаҳон ареналарида улкан ютуқларни қўлга киритишига улкан ҳисса қўшди.

Айнан унинг Паралимпия Ассоцияциясидаги фаолияти натижасида Ўзбекистон паралимпия делегацияси 2016 йили Бразилиянинг Рио-де-Жанейро шаҳрида ўтказилган ёзги Паралимпиада ўйинларида тарихий натижаларини қайд этди. Ушбу Паралимпиада ўйинларида ўзбекистонлик спортчилар жами 31 та, шулардан 6та олтин, 8 та кумуш ҳамда 17 та бронза медалларини қўлга киритиб, Ўзбекистон спорти тарихидаги энг яхши натижасини қайд этди.



У. Аҳмаджанов олимпия спорт турларининг ривожланишида, мамлакатда соғлом турмуш тарзини тарғиб қилиш ишларида самарали меҳнат қилди. Унинг спорт федерациялари ва ассоциациялари бошқаруви тизимидаги бир неча йиллик меҳнати ва фаолияти давомида спортчиларга зарур шароитларни яратиш ишларига катта эътибор берилди. У спорт, айниқса, олимпия ҳамда паралимпия спорт турларининг инфратузилмасини яхшилашда бевосита иштирок этди.

Умид Аҳмаджановнинг спорт федерациялари ва ассоциацияларидаги кўп йиллик фаолияти ва меҳнати ҳукумат ва жамоатчилик эътиборини қозонди. Умид Маҳаматжанович Аҳматжанов 2017 йилнинг 12 сентябрида ўтказилган Ўзбекистон Футбол Федерациясининг навбатдаги ҳисобот-сайлов конференциясида Ўзбекистон Футбол Федерациясининг янги президенти этиб сайланди.

Умид Аҳмаджанов оилали, уч ўғил ва бир қизи бор.

Умид Аҳматжонов мамлакатда соғлом турмуш тарзини тарғиб этишдаги, шунингдек, спорт соҳасини ривожлантириш ва уни дунёга танитишдаги самарали меҳнати, мамлакат спорти ривожига улкан ҳисса қўшгани учун «Дўстлик» ордени билан тақдирланган.

Рейтинг: +22   

Комментарии

championat.asia
< посмотреть последние новости
Яндекс.Метрика