Ўзбекистон ФИФА рейтингида 59-ўринга тушди

Унга кўра, Ўзбекистон миллий терма жамоаси худди ўтган ойдагидан 6 поғона пастлаб 59-ўринга тушиб қолди. Айни пайтда Миржалол Қосимов шогирдлари 539 очкога эгалар. Терма жамоамиз Осиёда тўртинчи ўринга тушди.

Осиё қитъасида ҳамон Эрон термаси пешқадам. Форслар 43-ўриндалар. Япония эса 46-ўринда. Жанубий Корея 57-ўринда бормоқда. Австралия 66-ўринга тушиб кетди.

Осиё Кубоги-2015даги рақибларимизнинг ўринлари:
КХДР - 146
Хитой - 103
Саудия Арабистони - 90

ОФК Чақирув кубогини қўлга киритган Фаластин терма жамоаси 71 поғона юқорилаб 94-ўринга чиқиб олди.

Умумий рўйхатни ҳамон Испания терма жамоаси бошқариб бормоқда. Улардан сўнг Германия ва Бразилия терма жамоалари жой олишган.

Тўлиқ рейтинг билан ФИФА расмий сайтида танишиб олиш мумкин бўлади.