Ўзбекистон - Баҳрайн ўйини олдидан матбуот анжумани 28 март куни ўтказилади
26 мар 2016 20:07
Новости

Ўзбекистон - Баҳрайн ўйини олдидан матбуот анжумани 28 март куни ўтказилади

ЖЧ-2018 иккинчи саралаш босқичи сўнгги туридан ўрин олган Ўзбекистон – Баҳрайн учрашувидан олдидан матбуот анжумани 28 март куни бўлиб ўтади.

Иккала терма жамоа бош мураббийлари иштирокида ўтказиладиган матбуот анжумани 28 март куни “Бунёдкор” стадиони анжуманлар залида ўтказилади. Дастлаб, соат 11:00да Баҳрайн терма жамоаси бош мураббийи Серхиа Батиста ҳамда жамоа футболчиларидан бири журналистлар саволларига жавоб берса, матбуот анжуманининг иккинчи қисми соат 11:30да бошланади ва унда Ўзбекистон миллий терма жамоаси бош мураббийи Самвел Бабаян иштирок этади.

Эслатиб ўтамиз, Ўзбекистон ҳамда Баҳрайн терма жамоалари ўртасидаги учрашув 29 март куни Тошкентдаги “Бунёдкор” стадионида бўлиб ўтади. Ўйин Тошкент вақти билан 18:00да бошланади.

Ссылка :

Источник : the-uff.com

Получайте новости прямо в Telegram!

Рейтинг: +3