Ўзбекистон аёллар терма жамоаси Осиё Кубоги саралаш баҳсларини юртимизда ўтказади
25 мар 2021 22:08
Новости

Ўзбекистон аёллар терма жамоаси Осиё Кубоги саралаш баҳсларини юртимизда ўтказади

Теги : Осиё Кубоги Ўзбекистон аёллар терма жамоаси

Aввал хабар берилганидек, аёллар ўртасидаги Осиё кубоги саралаш турнирини Ўзбекистонда қабул қилиш бўйича Ўзбекистон футбол ассоциацияси ОФКга мурожаат хати юборган эди.

Осиё футбол конфедерациясининг якуний қарорига мувофиқ ушбу йил 13-25 cентябрь кунлари бўлиб ўтадиган Осиё кубоги саралаш баҳслари юртимиз майдонларида ҳам ўтказилади.

Саралаш босқичида жами 30 жамоа вакиллари 8 гуруҳга бўлинган ҳолда, чемпионатнинг 8 йўлланмаси учун беллашадилар.

Баҳром Норсафаров мураббийлиги остидаги аёллар миллий терма жамоаси қуръа ташлаш маросимида мезбон мамлакатлар саватчасидан ўрин олади. Қуръа жараёнида Ўзбекистон ўз гуруҳида 2-рақам билан сараланади.

Мазкур босқич учрашувларига Ўзбекистон билан биргаликда Хитой Тайпейи, Индонезия, Мьянма, Непал, Фаластин, Таиланд ва Вьетнам мамлакатлари мезбонлик қилади.

Ссылка :

Источник : ЎФА матбуот хизмати

Получайте новости прямо в Telegram!

Рейтинг: +2