Ўткир Юсуповнинг кумири билан учрашув

Авазбек Бердиқулов БААда бўлиб ўтаётган Осиё Кубогининг раҳбари ҳисобланади.

У киши билан қўнғироқлашиб кўришдик ҳамда Авазбек мени Дубай шаҳридаги "Rashid stadium"га таклиф қилдилар. Биз у ерда Саудия Арабистони - КХДР  учрашувини томоша қилдик. Авазбекнинг шарофати билан ўйинни ВИП меҳмонлар учун ажратилган сектордан кузатдим. Бу жойда кўплаб таниқли инсонларни учратдиш мумкин эди.

Осиё чемпионати Европаликларга қизиқ эмас деб ўйлагувчилар хато қилишади. БААдаги турнирни кўплаб европалик скаутлар ва мутахассислар кузатиб боришмоқда.

Бу ерда мен ўтган йилги жаҳон чемпионати кашфиёти бўлган Хорватия терма жамоасининг бош мураббийи Златко Далични учратдим. Далич учун Осиё футболи бегона эмас. У БААнинг "Ал-Айн"  жамоасида бош мураббий бўлиб ишлаган.

ВИП меҳмонлар орасида "Қўқон-1912" жамоаси ҳамда миллий терма жамоамиз дарвозабони дарвозабони Ўткир Юсуповнинг кумири, Германия терма жамоаси ҳамда "Бавария" клуби собиқ посбони Оливер Канни учратганим эса кайфиятимни янада кўтариб юборди. Чунки Германия футбол афсонаси менинг ҳам яхши кўрган дарвозабоним эди. Бироз ёши каттароқ мухлисларимиз яхши билишади, Канни кўрган анча-мунча ҳужумчи ўзини йўқотиб қўярди. "Бавария"нинг гуллаган даврлари Оливер Канннинг даврида эди.

Хуллас Осиё чемпионати футболчиларимиз учун каттагина бозор ҳисобланади.

Акрамжон Мамадалиев БААдан маҳсус