Ўтган мавсум Германияда 25та гол урган ҳужумчи Хитойга ўтади
20 июн 2017 11:54
Новости

Ўтган мавсум Германияда 25та гол урган ҳужумчи Хитойга ўтади

"Кёльн" ҳужумчиси Антони Модест кейинги мавсумдан Хитойнинг "Тяньцзинь Цюаньцзянь" жамоаси шарафини ҳимоя қилади. Бу ҳақда "Bild" хабар берди.

Давомли музокаралардан сўнг немис ва хитой клублари келишувга эришишди. "Кёльн" 29 ёшли футболчи учун 35 миллион евро олади, футболчининг ўзи эса йилига 10 миллион евро маош олади. Трансфер ҳақидаги расмий хабар ҳафта охирида эълон қилиниши кутилмоқда.

Ортда қолган мавсум якунларига кўра, Модест Бундеслигада 34та ўйин ўтказди ва 25та гол уриб, иккита голли пас берди. Унинг клуб билан шартномаси 2021 йилгача мўлжалланган эди.