Отабек Нарзуллаев: "Ютишимиз ёки ютқазишимиз ҳам мумкин эди"

Ўйиндан сўнг муборакликлар устози Отабек Нарзуллаев фикрлари билан ўртоқлашди. 

"Ўйин қийин бўлишини билар эдик, чунки "Сурхон" яхши шаклланган жамоа. Шунга яраша тайёргарлик кўрдик. Бир очко ҳам очко ҳисобланади. Ўйин шундай ўтдики, ким гол урса ғалаба қозонарди. Умуман олганда жанговар ўйин кўрдик. Йигитларга хоҳиш, иштиёқ ва охиригача ҳаракат қилгани учун раҳмат айтаман. Ютишимиз ёки ютқазишимиз ҳам мумкин эди. Дуранг адолатли натижа бўлди дея оламан. 

"Сурхон" ёш жамоа эканлигини билар эдик. Футболчиларга яқинроқ ўйнашни айтгандик. Уларга масофа берсак тезлиги эвазига ютқазиб қўйишимиз ҳам мумкин эди. Шогирдларим кўрсатмаларни аъло даражада бажаришди. Меҳмондаги дуранг биз учун яхши натижа",- деди Отабек Нарзуллаев. 

- Таркибдаги йўқотишлар ҳақида...

- Йўқотишларимиз бор. Муҳаммадали Алиқулов, Нуржаҳон Музаффаров, Жавоҳир Абдуалимовларнинг йўқлиги билинди. Захирага U-21 жамоамиздан футболчилар олдик. Улар ҳам асосий таркибга кўникиб боришяпти. 

- Танаффусдан кейинги ўзгаришлардан асосий мақсад нима эди?

- Таҳлил қилдик ва қанотимизни мустаҳкамлашга эътибор бердик. "Сурхон" чап қанотдан кўпроқ ҳужумлар ташкил қилди. Шу боис Исломбек Баратов ва Шаҳбоз Жўраевни туширдик. Улар бизга ёрдам беришди.