Отабек Нарзуллаев: "Ғалабадан сўнг рамзий терма жамоадан ўрин олиш янада ёқимли бўлди"

Ғузорликларнинг икки вакили Умар Эшмуродов ва Отабек Нарзуллаев ушбу тур рамзий терма жамоадан ўрин олишганди. Биз Отабек Нарзуллаевдан бу борадаги фикрлари билан қизиқдик.

- Отабек championat.asia талқинига кўра сиз ва жамоадошингиз Умар Эшмуродов 10-тур рамзий терма жамоасидан ўрин олдингиз. Буни қандай қарши олдингиз?
- Албатта хурсанд бўлдим. Ҳар бир футболчи рамзий жамоага тушишни хоҳлайди.

- Матбуотни кузатиб борасизми?
- Бўлмасамчи, ҳозирги вақтда интернет футбол сайтларини тезкорлик билан ривожланиши кишини қувонтиради. Кунлик тезкор футбол янгиликларини мунтазам кузатаман. Айниқса, олий лигамиз ҳақидаги турли маълумотлар биз футболчиларга манзур бўлаяпти.

- Рамзий жамоага тушиш қанчалик ёқимли?
- Оммани эътиборига тушиш ёқимли, сайт ижодкорлари ушбу рукнни ташкил қилганига ўз миннатдорчилигимни изҳор этаман. Рости айтсам рамзий жамоа сафида жой олишимни кутмагандим. Ғалабадан сўнг ушбу хабарни эшитиб  яна ҳам хурсанд бўлдим.

Фаҳриддин Чориев суҳбатлашди