Отабек Жўрақўзиев: "Олимпик"ни энди ҳеч ким ёш жамоа демайди. Чунки..."
02 дек 2021 20:40
Новости

Отабек Жўрақўзиев: "Олимпик"ни энди ҳеч ким ёш жамоа демайди. Чунки..."

Теги : Ўтиш ўйини "Машъал""Олимпик"Отабек Жўрақўзиев

Тимур Кападзе бошчилигидаги "Олимпик" жамоаси ўтиш ўйинида Суперлига вакили "Машъал"ни мағлуб этиб, элитага йўлланма олди (3:1).

Учрашувда "Олимпик"нинг голларидан бирига Отабек Жўрақўзиев муаллифлик қилди. Мазкур баҳсдан сўнг футболчи фикрлари билан ўртоқлашди.

"Жамоамиз ҳали кўп бор тарихни ўзгартиради. Шу кунгача Про лиганинг ҳеч бир жамоаси Суперлига клубини мағлуб этиб, элитага чиқмаганди. Биз бу ишнинг уддасидан чиқа олдик.
Ҳозир футболда ёш жамоа, деган гап йўқ. Чунки 17-18 ёшли футболчилар Англия, Германия, Испания чемпионатларида ўйнамоқда. Бизда ҳам бунинг вақти келди. Энди бизни ҳеч ким кичкина ҳисобламайди. Боиси Про лигада буни исботлаб қўйдик.
Про лигадаги мавсум қийин ўтди. Биласиз кўп футболчилар ўринбосарлар жамоасида тўп тепарди. Катта футболга ҳали тайёр эмасдик. Тимур Кападзега ҳар бир ўйинга муносиб тайёрлагани учун раҳмат. Берилган имкониятни оқладик, деб ўйлайман", – дейди Жўрақўзиев.

Ссылка :

Источник : championat.asia

Получайте новости прямо в Telegram!

Рейтинг: +6