Осиёга осон бўлмайди

Бунда 24та терма жамоа қатнашяпти. Шулардан тўрттаси Осиё вакили. Булар - Саудия Арабистони, Қатар, Япония ва Жанубий Корея. Ўтган йилнинг 18 октябрь - 4 ноябрь кунлари Индонезияда U-19 Осиё чемпионати ўтказилганди. Якунда кучли тўртликдан жой олган жамоалар ҳозир Польшада бўлиб туришибди. 

Саудия Арабистони амалдаги U-18 Осиё чемпионати ғолиби саналади. Жанубий Корея - финалчи. Қатар билан Япония ярим финалда ўйнашган. U-20 жаҳон чемпионатида Осиёнинг ҳозирча иккита жамоаси - Япония ва Қатар 1-тур учрашувини ўтказди. Япония Эквадор билан 1:1 ўйнаган бўлса, кеча Қатар ёшлар терма жамоаси Нигерияга қарши майдонга тушиб 0:4 ҳисобида имкониятни бой берди. 

Бугун эса Жанубий Корея ва Саудия Арабистони 1-тур баҳсида майдонга тушади. Хуллас ўтган йилги Осиё чемпионати финалида ўйнаган жамоалар. Жанубий Корея Португалия билан ўйнайди. Ёшлар ўртасидаги Осиё чемпиони Саудия Арабистони эса кимсан Франция билан беллашади. 

18:30. Португалия - Жанубий Корея 

21:00. Франция - Саудия Арабистони 

Дарвоқе Португалия ўтган йил Финляндияда ташкил этилган U-19 Европа чемпионати ғолиби ҳисобланади. Франция эса ушбу мусобақа ярим финалида ўйнаган. 

Бундан кўриниб турибдики, бугун Осиёнинг иккита жамоасига осон бўлмайди. Лекин қитъамиз вакили бўлгани учун ҳам ҳар бир Осиё жамоасидан фақат ижобий натижа кутамиз.