Осиё ўйинларини ўзбек каналлари намойиш этадими?

Сайтимиз ўқувчиларидан футбол бўйича Ўзбекистон олимпия терма жамоасининг ўйинини ва умуман Осиё ўйинларидаги бошқа спорт турлари бўйича баҳслар Ўзбекистон ҳудудида намойиш этиладими деган савол келиб тушмоқда. 

Бу саволга СПОРТ телеканали ходимидан жавоб олишга ҳаракат қилдик. 

"СПОРТ телеканали Осиё ўйинлари мусобақасини намойиш этиш ҳуқуқини қўлга киритиш учун ариза юборган. Ўзбекистон - Бангладеш ўйини бошланишига оз қолганида бизга жавоб хати келди. Ушбу хатда айни пайтда Ўзбекистондан иккита каналдан бир хил таклиф борлиги ва бу масала ҳозирча очиқ тургани ҳақида ёзилган. Шу боисдан ҳам Ўзбекистон - Бангладеш учрашувини намойиш эта олмадик, бунга Ўзбекистоннинг ҳеч бир каналида ҳуқуқ йўқ эди. СПОРТ телеканали ҳеч бўлмаса фақат футбол мусобақасини намойиш этиш ҳуқуқини ҳам сотиб олмоқчи бўлди, бироқ бунга ҳам рад жавоби келди. Улар Осиё ўйинларини тўлиқ сотишмоқчи. Иккита вариантдан қайси бири танланса ўша телеканал Осиё ўйинларини намойиш этади. Ҳозирча кутаяпмиз. Ҳуқуқимиз бўлганида ўйинларни халқимизга намойиш этганимиз ўзимизга ҳам яхши эмасмиди?", - дейди СПОРТ телеканали ходими.