Осиё Кубоги-2019да ўзбекистонлик волонтёрлар ишлаши мумкин
26 мар 2018 16:36
Новости

Осиё Кубоги-2019да ўзбекистонлик волонтёрлар ишлаши мумкин

Ўзбекистон миллий олимпия қўмитаси президенти ва Ўзбекистон футбол ассоциацияси 1-вице-президенти Умид Аҳмаджонов Дубай шаҳрида БАА футбол ассоциацияси Бош котиби Муҳаммад Ҳаззам Ал-Даҳерий билан учрашди.

Учрашув давомида 2019 йил БААда бўлиб ўтадиган Осиё Кубоги мусобақасининг ташкилий масалалари муҳокама қилинди ҳамда ушбу мусобақага Ўзбекистондан волонтёрлар – кўнгиллиларни юбориб, бундай йирик мусобақаларни ташкил этиш ва ўтказиш тажрибасини ўрганиш масаласи кўриб чиқилди.

Бундан ташқари, Ўзбекистон ва БАА футбол ассоциациялари ўртасида имзоланган меморандум асосида ҳар икки мамлакат терма жамоалари ўртасида ўзаро ўртоқлик ўйинлари ташкил этиш, алмашув асосида ҳакамларни Кубок финаллари ва ўртоқлик ўйинларига жалб қилиш бўйича ҳам суҳбат олиб борилди.