Осиё Кубоги - 2019 саралаш босқичининг саватчалари маълум
13 янв 2017 19:15
Новости

Осиё Кубоги - 2019 саралаш босқичининг саватчалари маълум

ФИФАнинг янги рейтинги эълон қилингач, БААда бўлиб ўтадиган Осиё чемпионати саралашидаги иштирокини давом эттирадиган МТЖларнинг қайси саватчалардан жой олиши ойдинлашди.

Биринчи саватча: Қирғизистон, Иордания, Уммон, Филиппин, Бахрайн, КХДР.

Иккинчи саватча: Ҳиндистон, Фаластин, Тожикистон, Вьетнам, Гонгконг, Туркманистон.

Учинчи саватча: Мальдив ороллари, Ливан, Яман, Афғонистон, Хитой Тайпейи, Мьянма.

Тўртинчи саватча: Малайзия, Сингапур, Лаос, Камбоджа, Непал, Бутан.

Қуръа ташлаш маросими 23 январь куни бўлиб ўтади.

6та гуруҳда 4тадан терма жамоа қитъа чемпионати йўлланмасини қўлга киритиш учун баҳслашадилар.

Гуруҳда дастлабки иккита ўринни қўлга киритган терма жамоалар чемпионатга йўл оладилар. Бугунга қадар, мезбон БААдан ташқари, Қатар, Ж.Корея, Япония, Тайланд, С.Арабистони, Австралия, Ўзбекистон, Сурия, Ироқ, Эрон ва Хитой терма жамоалари мусобақадаги иштирокларини таъминлаб бўлганлар.

Эслатиб ўтамиз, 2019 йилда илк маротаба 24та терма жамоа қитъа чемпионатида қатнашади. Осиё Кубоги Абу Даби, Дубай, Ал Айн ва Шаржа амирликларидаги стадионларда бўлиб ўтади.

Ссылка :

Источник : championat.asia

Получайте новости прямо в Telegram!

Рейтинг: +9