Осиё футболи. Жанубий Корея Туркияда йиғин ўтказади ва иккита ўйин ўйнайди
29 дек 2021 15:26
Новости

Осиё футболи. Жанубий Корея Туркияда йиғин ўтказади ва иккита ўйин ўйнайди

ЖЧ саралаш босқичининг навбатдаги ўйинларига тайёргарлик учун Жанубий Корея терма жамоаси Анталияда йиғин ўтказади.

Январда ташкил этиладиган йиғин давомида кореяликлар иккита ўртоқлик учрашувида майдонга тушишади. Дастлабки ўйин 15 январь куни Исландия билан, иккинчиси 21 январда Молдова терма жамоасига қарши кечади.

Жанубий Корея бош мураббийи Паулу Бенту мазкур йиғинга 26 нафар футболчини жалб этди. Рўйхатдан асосан маҳаллий футболчилар ўрин олган. Европада тўп тепаётган легионерлар эса фақат расмий баҳсларга чақирилади.

Жанубий Корея терма жамоаси ЖЧ саралаш босқичининг навбатдаги тур учрашувини 27 январь куни Ливан ҳамда 1 февралда Сурияга қарши ўтказади. Турнир жадвалида кореяликлар Эрондан сўнг иккинчи ўринда боришяпти.

Ссылка :

Источник : championat.asia

Получайте новости прямо в Telegram!

Рейтинг: +3