Осиё футболи. "Ал Иттиҳод" янги мураббий топган кўринади
21 сен 2018 13:16
Новости

Осиё футболи. "Ал Иттиҳод" янги мураббий топган кўринади

Саудия Арабистониннинг "Ал Иттиҳод" клубида бош мураббий ишдан кетгани ҳақида хабар бергандик.

Аввалги мураббий Рамон Диас жамоани атиги иккита ўйинда бошқарди ва иккита мағлубиятдан сўнг раҳбарият унга чиқиш эшикларини кўрсатди. Энди клубни бошқаришга асосий номзод сифатида Саад Ал Шеҳри тилга олинмоқда.

38 ёшли маҳаллий мураббий Саудия Арабистони олимпия терма жамоаси билан Осиё ўйинларида иштирок этди. Эндиликда унинг янги иш жойи "Ал Иттиҳод" клуби бўлиши мумкин. Аргентиналик мураббий Рамон Диас май ойида жамоани қабул қилиб олганди, унинг фаолияти атиги тўрт ойга чўзилди.

"Ал Шеҳри" ёш бўлишига қарамай "Ал Иттиҳод"дек клубни бошқаришга тайёр. Чунки раҳбариятнинг ҳозирги мақсади натижа билан бирга таркибни ёшартириш. Бунинг учун эса маҳаллий мутахассис номзоди маъқул келади.

Ссылка :

Источник : arabnews.com

Получайте новости прямо в Telegram!

Рейтинг: +3