Осиё чемпионати (U-22) олдидан. Дилшод Жўраев: "Мухлис мададини ҳис қилиб майдонга чиқамиз"

"Тайёргарлик маромида олиб борилди энди биздан талаб қилинадигани фақат натижа. Биз юртимизга ёруғ юз билан қайтмоқчимиз. Натижага эришиш учун эса бизда барча имконият бор ва биз буни амалда исботламоқчимиз" - дея айтиб ўтади Дилшод Жўраев.

- Айнан қандай натижани кўзда тутмоқдасиз?
- Биз охиригача курашиб ҳар бир ўйинда ғалаба қозонмоқчимиз. Марра эса белгиланмаган. Мақсадимиз чемпион бўлиш. Ҳар биз ўйинда майдонга тушаётганда мухлислар мададини ҳис қиламиз ва юртимиз шарафи учун курашамиз.

- Тайёргарлик жараёнида рақиблар имкониятлари ўзгариб чиқилдими ва улар борасида фикрингиз қандай?
- Барча жамоа ҳақида етарлича маълумотлар олинган. Жумладан гуруҳимиздаги Ироқ ва Хитой жамоалари борасида ижобий фикр айтишим мумкин. Хитой асосан тезликка асосланган бўлса, Ироқ техникали футбол кўрсатади. Ироқда етакчи футболчилар кўп. Чемпионатда эса Япония, Ўзбекистон ва Эрон терма жамоалари энг кучлилардандир.

Ҳумоюн Давуров суҳбатлашди