Осимхен Кварацхелия ҳақида: "Сиз ҳали у қодир бўлган ҳамма нарсани кўрмадингиз"

"Наполи" ҳужумчиси Виктор Осимхен неаполитанлар ярим ҳимоячиси Хвича Кварацхелиянинг ўйинига қойил қолди.

"Мен у учун жуда хурсандман. У олган барча мақтовларга лойиқ. Хвича фақат ўз саёҳатининг бошида, сиз у нимага қодирлигини ҳали кўрмадингиз. У ушбу мавсумда биз орзу қиладиган фазилатларга эга. Хвича ўзига жуда ишонади ва биз уни исталган дақиқада қўллаб-қувватлаймиз", – деди Осимхен. 

"Наполи" А Серия турнир жадвалида 26 очко билан пешқадамлик қилмоқда. Лучано Спаллетти шогирдлари жорий мавсум қаторасига ўнинчи ўйинда ғалаба қозонишди. Умуман олганда, "Наполи" мавсумдаги 14 учрашувда 12 ғалаба ва 2 дуранг қайд этган.

Кварацхелия ушбу мавсумда неаполитанлар сафида 14 та ўйин ўтказиб, 7 та гол урди ва 8 та голга ассистентлик қилди.