Ўртоқлик учрашуви. “Цементчи” – “Норин” 0:1
17 мар 2017 14:21
Новости

Ўртоқлик учрашуви. “Цементчи” – “Норин” 0:1

Куни кеча Қувасой шаҳридаги “Цементчи” марказий стадионида икки принципиал рақиблар, Хаққулобонинг “Норин” хамда Қувасойнинг “Цементчи” жамоалари ўзаро назорат учрашувида майдонга тушди.

Учрашувда хар иккала жамоа мураббийлари деярли барча футболчиларини назоратдан ўтказиб олишди. Ўртоқлик учрашуви бўлишига қарамай жамоасининг ўйинларини соғиниб қолган кўплаб қувасойлик мухлислар стадионга ташриф буюришди. Ўйин кутилганидек кескин курашларга бой тарзда ўтди. Лекин кўп вазиятларда футболчилар мавсумга тўлиқ тайёр эмаслиги кўриниб қолди.

Учрашувнинг иккинчи бўлими 59 дақиқасида мезбон жамоа футболчилари майдон марказида хатога йўл қўйишди. Ёлғиз қолган “Норин” хужумчиси дарвозабон билан бирга-бир вазиятга чиқиб борди ва “Цементчи” дарвозасини ишғол қилди 0:1 Қолган дақиқаларда ҳар иккала жамоада дарвозага яна гол киритиш учун кўплаб вазиятлар яратилди, аммо учрашувда бошқа ҳисоб ўзгармай қолди. Шу тариқа қизиқарли кечган баҳс хаққулободликларнинг 0:1 ҳисобидаги ғалабаси билан якунланди.