Ўртоқлик ўйини. Саудия Арабистони терма жамоаси Болгарияга ютқазди
14 ноя 2017 00:41
Новости

Ўртоқлик ўйини. Саудия Арабистони терма жамоаси Болгарияга ютқазди

Осиё қитъасидан ЖЧ-2018 финал босқич йўлланмасини қўлга киритган Саудия Арабистони терма жамоаси ўртоқлик учрашувида майдонга тушди.

Бундан бир неча дақиқа аввал якунланган учрашувда саудиялик футболчилар Болгария терма жамоасига қарши баҳс олиб боришди. Ўйинда европаликлар 1:0 ҳисобида зафар қучишди.

Ягона гол 81-дақиқада Москванинг “Спартак” клуби ярим ҳимоячиси Ивелин Попов томонидан киритилди. 83-дақиқада ҳимоячи Мансур Ал-Харби қизил карточка сабаб майдонни тарк этган.

Маълумот учун, Эдгардо Бауза бошчилигидаги Саудия Арабистони терма жамоаси 8 ноябрь куни Латвияни 2:0 ҳисобида мағлуб этганди. 10 ноябрда эса Португалияга 0:3 ҳисобида имкониятни бой берганди.