"Ордабаси" президенти Қозоғистон Суперкубоги олдидан трансфер тақиқи билан боғлиқ вазиятга изоҳ берди

"Сизни ишонтириб айтаманки, биз собиқ футболчилар олдидаги қарзимизни тўлаб бўлганмиз, бироқ баъзи футболчиларнинг банк ҳисоб рақамларига маблағ туширишда бироз мушкуллик бор. Қозоғистон Суперкубоги учун баҳсга қадар трансфер тақиқи бекор қилинишига шубҳа қилмаймиз ва биз барча янги келганларни рўйхатга кирита оламиз.

Ўтган йили "Астана" билан ўйнаган таркиб ўйнашига йўл қўяманми? Йўқ, бунинг иложи йўқ, жамоамиз 90 фоизга янгиланди, лекин яна бир бор айтмоқчиманки, биз ўз мажбуриятларимизни амалда бажариб бўлдик, энди тақиқни олиб ташлаш техник масала холос", – деди Бауиржан Абдубаитов.

Маълумот ўрнида, "Астана" ҳамда "Ордабаси" ўртасидаги Қозоғистон Суперкубоги учрашуви 25 февраль кунига белгиланган. 

Эслатиб ўтамиз, "Ордабаси" сафига яқинда ҳужумчи Бобир Абдихолиқов бориб қўшилганди. Шунингдек, Шимкент клубида ярим ҳимоячи Шаҳбоз Умаров ҳам тўп тепади.