“Оқ-тепа”: Ёшларимиз бугун, асосий жамоамиз эртага ўйнайди

Тошкент шаҳар биринчилигида қатнашаётган “Оқ-тепа-2” бугун чемпионатнинг навбатдаги турида “Пахтакор-97” меҳмони бўлса, асосий жамоамиз эртага “Локомотив”га қарши назорат учрашувида майдонга тушади.

Ёшларимизнинг ўйини бугун “Чилонзор” сунъий қопламали майдонида 15:00да бошланса, бош жамоамизнинг учрашуви эртага “Дўстлик” стадионида 16:30да старт олади. Айтиш керак, “Оқ-тепа” – “Локомотив” жамоалари янги мавсум арафасида ҳам “Дўстлик” ўйингоҳида назорат ўйинида майдонга тушишган, ўшанда нисбатан тажрибали бўлган “темирйўлчилар” 3:2 ҳисобида ғалаба қозонганди. Эртанги баҳс ҳам чемпионат давомида юз берган кичик танаффусдан унумли фойдаланган ҳолда ўтказилмоқда.