«Олмос» соврини: Гейнрих август ойида учинчи бўлди

Унда премьер-лига клублари бош мураббийлари ва биттадан футболчилари овоз беришади. 2011 ва 2012 йилларда ўзбекистонлик Улуғбек Бақоев ушбу совринни қўлга киритганди. 2013 йил март ойида Мануэль Курто «Тараз», апрелда Марат Хайруллин «Актобе», май ойида Игорь Зенькович «Акжайик», июнда Тимур Кападзе «Актобе» ва июль ойида Александр Мокин «Шахтёр».  

Овоз натижаларига кўра август ойида «Шахтёр» ҳужумчиси Сергей Хижниченко энг яхши футболчи бўлди. У жами 28 очко жамғарди.

Иккинчи ўринни «Шахтёр»нинг 32 ёшли посбони Александр Мокин эгаллади. Мокин 20 очко тўплади.

Учинчи ўринни эса «Актобе»нинг ўзбекистонлик ҳужумчиси Александр Гейнрих эгаллади. Футболчи чемпионатда «Қайрат» устидан қозонилган ғалабага ва Европа лигаси доирасидаги «Брейдаблик» тўсиғидан ўтишга катта ёрдам берди. Киевнинг «Динамо» клубига қарши ўйинларда эса Гейнрих клуб сафидаги энг яхши футболчи бўлди. Ҳамюртимиз 16 очко тўплади. 

Ўзбекистонлик футболчилардан Шавкат Саломов ва Тимур Кападзе ҳам овоз олишган.

Энг яхши легионерлар рўйхати қуйидагича: 1. Александр Гейнрих. 2. Роджер Каньяс. 3. Никола Василевич.

Овоз бериш якунлари:
1. Хижниченко Сергей «Шахтёр» — 28 (6,5,-)
2. Мокин Александр «Шахтёр» — 20 (4,2,4)
3. Гейнрих Александр (Ўзбекистон) «Актобе» — 16 (2,3,4)

14-18. Саломов Шавкат (Ўзбекистон) «Жетису» — 2 (-,1,-)
20-27. Кападзе Тимур (Ўзбекистон) «Актобе» — 1 (-,-,1)