"Олмалиқ": Янги мавсумга тайёргарлик бошланди

Олмалиқ шаҳрида бошланган ўқув-машғулот йиғини 28 декабрга қадар давом этади. Дастлабки машғулотда жамоа таркибида 26 нафар футболчи иштирок этди. 2015 йилги мавсумда жамоамиз шарафини ҳимоя этган футболчилардан 14 нафари (Умид Хонимқулов, Темур Ғаниев, Акмал Ортиқов, Ислом Иномов, Саидкомил Акбаров, Абдуқаҳҳор Ҳожиакбаров, Саҳоб Жўраев, Обид Жўрабоев, Азамат Исроилов, Зоҳир Пиримов, Саламат Қутибоев, Муҳаммад Исаев, Ғулом Ўрунов ва Исломбек Исоқжонов) жамоа ихтиёрига етиб келди. Ўзбекистон U-23 терма жамоаси йиғинига чақирилган Жаҳонгир Абдумўминов, Диёр Туропов, Дониёр Исмоилов, бироз бетоблиги сабаб Никита Шквирин ва Никита Павленко машғулотларда иштирок этишмади. Жамоа шарафини ҳимоя этган Шавкат Саломов ва Алишер Шоғуломов ҳам Олмалиққа келмади. Жамоанинг хорижлик футболчилари эса январь ойидан бошлаб таркибга қўшилишади.

Таркибга янги қўшилган футболчилар ҳақида эса кейинроқ маълумот берамиз.