Олий лига-2016. "Нефтчи" посбонлари "пенальтишунос"

Якунига етган мавсумда ҳакамлар 78 марта пенальти белгилашди. Уларнинг 61таси гол билан тугади.

17та пенальтидан кейин тўп дарвозага кирмади. Дарвозабонлар 10 марта 11 метрли жарима тўпидан йўлланган зарбани қайтаришди. 7та зарба дарвоза тўсинига (ёки устун) теккан ёки ноаниқ кетган.

Пенальти қайтариш бўйича "Нефтчи" дарвозабонлари бошқаларга ўрнак бўлишди. Ўткир Юсупов ҳам, Абдумавлон Абдужалилов ҳам мавсум давомида 2 мартадан пенальтидан йўлланган зарбадан сўнг тўпни қайтаришга муваффақ бўлишди.

Икки бор пенальтини қайтаришни "Насаф" посбони Санжар Қувватов ҳам уддалади.

2016 йилда бир мартадан пенальтидан йўлланган зарбани қайтарган дарвозабонлар: Даврон Жўрақулов ("Обод"), Жавоҳир Илёсов ("Машъал"), Акмал Ортиқов ("Олмалиқ"), Никита Рибкин ("Пахтакор").