Оливье Жиру: "Ёзда "Арсенал"дан кетишга яқин бўлганим ҳақиқат"

"Умуман олганда бу жуда шахсий қарор эди. Клубдан кетишга яқин бўлганим хақиқат, чунки айтганимдек ўйнашни хоҳлайман. Мени қўллаб-қувватлаган оилам ва яқин дўстларим билан узоқ ўйланишлардан сўнг "Арсенал"даги тарихим тугамаганлигини англаган ҳолда шу ерда қолишни хоҳладим. Клуб менга кўп нарса беряпти ва бу учун ўз миннатдорчилигимни билдираман. Аввало, мусобақалашишни ва клуб учун бундан кўпроқ совринлар ютишни истайман, шунинг учун мураббийга тарихимизга нуқта қўйиш учун ҳали эрта эканлигини айтдим ва бундан ҳар биримиз қониқдик", - деб ёзади Жирунинг сўзларини "Evening Standard".