"Олимпик" U-19 мураббийи Дониёр Усмонов: "Йигитлар тўғри йўлда эканлигимизни кўрсатиб беришди"
03 ноя 2024 12:15
Новости

"Олимпик" U-19 мураббийи Дониёр Усмонов: "Йигитлар тўғри йўлда эканлигимизни кўрсатиб беришди"

Асосини "Одил Аҳмедов ФА" болалари ташкил қилган "Олимпик" U-19 ушбу ёш тоифасида ўтказилган чемпионатда бронза медалларига эга чиқди.

"Насаф" ёшларига қарши кечган учрашувдан сўнг жамоа устози Дониёр Усмоновнинг фикрлари билан қизиқдик.

"Йигитлар тўғри йўлда эканлигимизни кўрсатиб беришди. Биринчи ўринда ПФЛга ташкилотчилик учун, формат учун раҳмат айтаман. Бундай ўйинлар орқали ёшлар кўпроқ ўсишга эришади.

2008-2009 йил футболчиларга ҳам имкон бердик ва улар учун бу катта тажриба бўлди. Ўз ўрнида "Одил Аҳмедов ФА"га ҳам раҳмат айтаман, чунки таркибимиз бевосита шу академия асосида шаклланди. Ўйлайманки, бу жамоадан миллий жамоамиз шарафини ҳимоя қиладиган йигитлар етишиб чиқади",- дейди Дониёр Усмонов.