Олий лига-2015. 15815 томошабин, Эрматов, Пиримов ҳамда Ваҳобов ҳақида
15 мар 2015 11:06
Новости

Олий лига-2015. 15815 томошабин, Эрматов, Пиримов ҳамда Ваҳобов ҳақида

2015 йилги олий лиганинг 1-тур ўйинлари ўз якунига етди.

Бир қатор кутилмаган натижалар кузатилган ушбу турдаги 8та ўйинда дарвозаларга жами 18та гол урилди. Ҳар бир ўйинда ўртача 2,25тадан гол урилди.

Майдон эгалари 3 бор ғалаба қозонишди, 3 марта дуранг қайд этилди ва сафарда ўйнаган 2 жамоа муваффақият қозонди.

8та учрашувни томоша қилиш учун стадионларга жами 54459 томошабин келди (ўртача 6807 томошабин). "Навбаҳор" - "Машъал" ўртасидаги учрашувига энг томошабин келди - 15815. Энг кам томошабин келган учрашув "Пахтакор" ва "Олмалиқ" ўртасида кечди. Ушбу баҳсга 1200 томошабин келди холос.

Ҳакамларимиз 31 марта сариқ карточкани ишга солишди. Ҳеч бир футболчи қизил карточка олгани йўқ. Дастлабки турда умуман пенальти белгиланмади.

Ҳакамлар орасида энг юқори баҳони "Бунёдкор" - "Бухоро" учрашуви бош ҳаками Равшан Эрматов олди - 9,6. Энг паст баҳони "Пахтакор" - "Олмалиқ" учрашуви қанот ҳаками Бобур Қодиров олди - 4,0.

2015 йилги мавсумда...

энг биринчи гол - Зоҳир Пиримов ("Олмалиқ")
энг биринчи огоҳлантириш - Акбар Исматуллаев ("Пахтакор")
энг биринчи дубль - Артур Геворкян ("Насаф")
энг биринчи хет-трик - Бахриддин Ваҳобов ("Қизилқум")
энг биринчи йирик ғалаба - "Қизилқум"

Нарзулла Сайдуллаев

Ссылка :

Источник : championat.asia

Получайте новости прямо в Telegram!

Рейтинг: