ОК-2023. Манчини Саудия Арабистони машғулотида кислород ниқоблардан фойдаланди

Мусобақанинг фаворитларидан бири Саудия Арабистони терма жамоаси 31 декабрь куни Қатар мамлакатига етиб борган эди.

Саудия Арабистони Осиё Кубоги учун якуний қайдномани эълон қилди

Саудияликлар 1 январдан у ерда машғулотларга киришишди. Бош мураббий Роберто Манчини терма жамоанинг Қатардаги дастлабки машғулотида махсус гипоксик ниқоблардан фойдаланди.

Хўш, ушбу ниқоблар қандай ишлайди?

Гипоксик ниқоб - ҳаво киришини чеклаш учун ўрнатилган клапанли респираторнинг аналогидир. Фильтрлар орқали нафас олиш учун оғиз ва бурунга кийилади ва учта алмаштириладиган клапанлар ёрдамида танага кирадиган кислород миқдорини тартибга солади: иккитаси киришда ва биттаси чиқишда.

Ниқоблар неопрендан тайёрланган, гидрокостюмлар билан бир хил материалдир, шунинг учун улар юзга маҳкам ўрнашади ва амалда спортчига халақит бермайди. Улар денгиз сатҳидан 910 дан 5500 метргача баландликда ҳам ишлашга қодир, бу сизга бундай шароитларда машқ қилишнинг афзалликларини ҳис қилиш имконини беради.

Баландликда машқ қилиш метаболизмни ва эритроцитларни ишлаб чиқаришни тезлаштиради, шу орқали мушакларга кўп кислород етиб боради. Ниқоб аэробик машғулотлар сифатини яхшилашга ва спортчиларнинг чидамлилиги, кучи ва тезлигини оширишга ёрдам беради.

"Реал"нинг кетма-кет ЕЧЛ бош совринини қўлга киритишида жуда катта ҳиссаси бор дейиладиган ва оммага унча "кўринмас" қаҳрамони италиялик жисмоний тайёргарлик мураббийи Антонио Пинтус айнан шундай ниқоблардан фойдаланади. Бу ниқоблар Пинтус методикасининг бир бўлаги. Манчини ҳам италиялик эканини инобатга оладиган бўлсак, Роберто ҳамюртининг "Реал"даги муваффақиятларидан келиб чиқиб ўз ишида ҳам қўллашни маъқул кўрган.

Саудия машғулотларидан бундай ниқоблар биринчи марта ишлатилмаяпти, аввал ҳам гипоксик ниқоблар билан машғулот ўтказилгани расмлари чоп этилган эди.

Терма жамоа бош мураббийи Роберто Манчини ва Саудия Арабистони футбол федерацияси президенти Яссер Ал Мишал.

Саудия ҳужумчиси Фирас Ал Брикан.

Салмон Ал Фаражнинг ўрнига майдон марказида асосий ролни бажариши мумкин бўлган ярим ҳимоячи Муҳаммад Канно.