ОФК президенти Австралия, Япония, Жанубий Корея ва Тожикистонга омад тилади
27 окт 2019 12:55
Новости

ОФК президенти Австралия, Япония, Жанубий Корея ва Тожикистонга омад тилади

Теги : U-17 Жаҳон чемпионати ОФК президенти

Кеча Бразилияда навбатдаги U-17 жаҳон чемпионатига старт берилди.

Ушбу мусобақада Осиёдан тўртта жамоа қатнашади: Австралия, Япония, Жанубий Корея ва Тожикистон. ОФК президенти Шайх Салмон бин Иброҳим Ал Халифа Осиё иштирокчиларига омад тилади.

"Барча тўрт жамоа U-16 Осиё чемпионатида ўзини кўрсатиб ҳақли равишда жаҳон чемпионати йўлланмасини қўлга киритди. Энди ёш футболчиларнинг жаҳон чемпионатида ҳам ўзларини кўрсатадиган пайт келди. Мен барча жамоаларга омад тилайман", - дейилади ОФК хабарида.

Маълумот учун, Австралия U-17 жамоаси дастлабки тур учрашувини Эквадорга қарши ўтказиб 1:2 ҳисобида мағлуб бўлди. Австралия навбатдаги икки турни Венгрия ва Нигерияга қарши ўтказади.

Жанубий Корея гуруҳ учрашувларини Гаити, Франция ва Чилига қарши ўтказса, Япония ўз гуруҳида Голландия, АҚШ ва Сенегал билан ўйнайди. Тожикистон ўсмирлар терма жамоаси эса гуруҳда Камерун, Испания ва Аргентина билан куч синашади.

Ссылка :

Источник : the-afc.com

Получайте новости прямо в Telegram!

Рейтинг: +14