ЎФАдан ОАВ ҳодимлари учун ижодий танлов!

Турнирни ОАВ томонидан янада сифатлироқ қилиб ёритишни таъминлаш ва ОАВ ўртасидаги соғлом рақобатни янада ошириш мақсадида, ЎФА мусобақа ва мусобақагача бўлган кунларда фаол фаолият олиб борган ташкилотларни қимматбаҳо совғалар билан тақдирлайди.
Унга кўра, ОАВнинг тўртта йўналиши бўйича энг яхши уч ташкилот ғолиблар сафидан ўрин оладилар.

Номинациялар қуйидагича кўриниш олган:

1. Футзал бўйича Осиё чемпионатини ёритган "энг яхши ТВ" (кўрсатув, янгиликлар дастури, лойиҳа ва хакозо).
2. Футзал бўйича Осиё чемпионатини ёритган "энг яхши босма нашр" (спортга оид бўлмаган газеталар ҳам иштирок этишлари мумкин).
3. Футзал бўйича Осиё чемпионатини ёритган "энг яхши электрон нашр" (спортга оид бўлмаган сайтлар ҳам иштирок этишлари мумкин).
4. Футзал бўйича Осиё чемпионатини ёритган "энг яхши радио канал".

Ғолиб ва совриндорлар ЎФА раҳбарияти ва ходимларининг кузатуви натижасида аниқланади. Танловда иштирок этиш учун ўзингиз ҳақингизда маълумот беришингиз шарт эмас. Ой давомида қилинган меҳнатингизни, ЎФА вакилларининг ўзлари кузатиб борадилар ва Сизларни тақдирлайдилар. Бунда сизнинг мусобақадан аввал ҳам қилган меҳнатингиз бесамар кетмайди.