ЎФА ва ПФЛ раҳбарлари Туркия футбол федерацияси мутасаддилари билан учрашди
24 янв 2019 11:04
Новости

ЎФА ва ПФЛ раҳбарлари Туркия футбол федерацияси мутасаддилари билан учрашди

Теги : ЎзПФЛ

Ўзбекистон футбол ассоциацияси ва Профессионал футбол лигаси футболи ривожланган мамлакатлар футбол федерациялари билан ҳамкорликни йўлга қўйиш ва уларнинг тажрибасидан унумли фойдаланиш йўлида бир қатор чора-тадбирлар амалга оширилиб, турли учрашувлар ўтказиб келинмоқда.

Жумладан, Ўзбекистон футбол ассоциацияси вице-президенти Отабек Имомов ва Профессионал футбол лигаси бош директори Омон Ғофуров Туркияда мамлакат футбол федерацияси вице-президенти Сервет Ярдимчи ва бош котиб Кадир Кардаш билан учрашди. Учрашув давомида Туркия футбол федерацияси билан ҳамкорликни йўлга қўйиш, турли ёшдаги терма жамоалар билан ўртоқлик ўйинлари ташкил этиш, турк клубларини Тошкентга таклиф қилиш, мусобақаларни ўтказиш тартиби, маркетинг масалалари, мухлисларни стадионларга жалб қилиш, ўзбек футболчиларни Туркия клубларида тўп суришлари бўйича музокаралар ўтказилди.

Бугун Туркия клублари базаларига ташриф буюриш кўзда тутилган. У ерда клублар инфратузилмалари, стадионлар, майдонлар ҳолати билан яқиндан танишиб, клубларда маркетинг масалалари қандай йўлга қўйилганини ўрганиб чиқиш режалаштирилган.

Ссылка :

Источник : pfl.uz

Получайте новости прямо в Telegram!

Рейтинг: -5