Одил Аҳмедов: "Бугун нима бўлса ҳам ғалаба қозонишимиз шарт эди"

"Қандай ўйин бўлишидан қатъий назар бугун фақат ғалаба қозонишимиз шарт эди. Сафарда ўйнаш доим бироз қийин бўлади. Бугун кўплаб вазиятлардан фойдалана олмадик, аммо якунда барибир олдимизга қўйилган вазифа уч очкони қўлга киритдик.

Жарима тўпидан урган голим? Бундай вазиятда дарвозабонлар асосан яқин бурчакни қўриқлашга ҳаракат қилишади, шу боис узоқ бурчакка зарба бердим. Тўғри Осиё Кубогида Уммонга урган голимга ўхшаб кетди.

Стадионга келиб бизни қўллаб турган мухлисларга раҳмат айтаман. Футбол мухлислар учун ўйналади", - дейи Одил Аҳмедов.

Жаҳонгир Файзуллаев ёзиб олди