ОЧЛ. “Кашива” мураббийининг умиди сўнгани йўқ

Бунда Японияинг “Кашива Рейсол” клуби ўз майдонида Саудия Арабистонининг “Ал Шабаб” жамоасини қабул қилиб, 1:1 ҳисобини қайд этди.

Баҳс якунига етгач, мезбонлар бош мураббийи Нелсиньо Баптиста қуйидаги фикрларни билдириб ўтди: “Кейинги ўйингача ҳали олдинда бир ой вақт бор ва бу муддат яхши тайёргарлик кўриш учун етарли ҳисобланади. Унгача эса Япония чемпионати ва Кубоги ўйинларида майдонга тушамиз. “Ал Шабаб” билан кечадиган ўйингача еттита учрашув ўтказамиз, шундай экан, жавоб баҳсига бемалол ҳозирлик кўра оламиз. Мен Саудия клуби билан ўйин ёпиқ бўлади деб кутгандим, чунки ҳар иккала жамоа ҳам фақат натижани ўйлаган ҳолда тўп сурди. Лекин “Ал Шабаб”нинг ярим ҳимояси кучли экан, шу боис бизга қийин бўлди. Биринчи ўйинда 1:1 ҳисоби қайд этилгани билан ҳали умидимиз сўнгани йўқ”.

Эслатиб ўтамиз, жавоб баҳси 18 сентябрь куни Ар Риёдда жойлашган “Қирол Фаҳд” ўйингоҳида бўлиб ўтади