ОЧЛ. "Кашима" мураббийи: "Менга таваккал ҳужум ёқмайди"

Маълумки, бугун Теҳронда Осиё чемпионлар лигаси жавоб баҳси бўлиб ўтади. "Озоди" стадионида кечадиган учрашувда "Персеполис" ва "Кашима Антлерс" клублари ўзаро кураш олиб боради.

Биринчи ўйинда 2:0 ҳисобида ғалаба қозонган "Кашима Антлерс" бош мураббийи Го Оива жавоб баҳси олдидан ўз фикрларини билдирди: 

- "Биринчи ўйинда ғалаба қозонганимиз билан асло хотиржамликка берилишимиз керак эмас. Чунки олдинда жавоб баҳси кутиб турибди ва бу янада қийин ўйин бўлади. "Персеполис" ўз майдонида кучли футбол намойиш этади. Шу боис шогирдларимга аввалги ҳисобни унутиб худди 0:0 пайти қандай бўлса, шундай ўйнанглар дедим".

- "Мен учун идел футбол - мустаҳкам ҳимоя ва ўткир ҳужум дегани. Биз биринчи финалнинг иккинчи таймида худди шундай ўйин кўрсатгандик. Менга таваккал қилинадиган ҳужумлар ёқмайди. Ҳаммаси режага кўра бўлиши керак. Албатта, жавоб баҳсида кўпчилик  мухлислар рақиб томонида бўлади. Чунки Япониядан атиги 250 мухлис келган. 70 минг одам эса "Персеполис"ни қўллаб-қувватлайди . Аммо бундан хавотирга тушиш керак эмас. Агар тўп назорати бизда бўлса, кўзланган мақсадга эришамиз".