ОЧЛ. Эрик Геретс : “Кучли жамоа ғалаба қозонди”
22 авг 2013 14:15
Новости

ОЧЛ. Эрик Геретс : “Кучли жамоа ғалаба қозонди”

Қатарнинг “Лахвия” жамоаси ОЧЛнинг чорак финалидан ўрин олган биринчи учрашувда Хитойнинг “Гуангжоу Эвергранд” жамоасига 0:2 ҳисобида имкониятни бой берди.

Ўйин хитойликлар майдонида бўлиб ўтди ва бу учрашувни томоша қилиш учун стадионга 41 минг мухлис ташриф буюрди.

Ўйиндан сўнг “Лахвия” бош мураббийи Эрик Геретс ўз фикрлари билан ўртоқлашди:

“ОЧЛдаги охирги ўйинни ўтказганимизга ҳам бир неча ой бўлди. Биз энди бошқатдан қайта тикланиш даврини бошдан кечиряпмиз. Шу боис тайёргарлик ҳали якунига етмади. Аммо бу ютқазганимиз учун баҳона бўла олмайди. Фақат шуни айтишим мумкин, бу ўйинда кучли жамоа ғалаба қозонди. Ҳали олдинда жавоб баҳси бор ва бизга осон бўлмайди. Аммо Қатарда охиригача курашишни мақсад қилганмиз. Марчелло Липпининг жамоаси Хитойда бежизга кучли эмаслигини намойиш эта олди. Жавоб баҳсида имконият юзага келиши учун биринчи таймда гол уришимиз шарт. Шундагина иккинчи бўлимда ишимиз осонлашади. Хитойда миллий чемпионат қизғин тус олган, бизда эса сентябрда бошланади. Менимча, бу ҳам ўйинга ўз таъсирини кўрсатди”.

Ссылка :

Источник : the-afc.com

Получайте новости прямо в Telegram!

Рейтинг: