ОЧЛ. "Ал Ҳилол"нинг боши қотган

Жамоа жуда кучли гуруҳдан жой олган, чунки "Ал Ҳилол" гуруҳ босқичи ўйинларини Қатарнинг "Ал Дуҳайл", БААнинг "Ал Айн" ҳамда Эроннинг "Истиқлол" клубларига қарши ўтказади. 

Айни пайтда "Ал Ҳилол" Саудия Арабистони чемпионатида биринчи ўринда кетмоқда. Жамоа 18та турдан сўнг 43 очко тўплаган. ОЧЛ баҳслари бошланишига саноқли кунлар қолганида "Ал Ҳилол" муаммога дуч келди. 

Гап шундаки, клуб таркибида 9 нафар легионер бор. Аммо ОЧЛ заявкасига фақат тўрт нафари (3+1)ни киритиши мумкин. Ҳамда камида бир нафар футболчи осиёлик бўлиши шарт.

"Ал Ҳилол"да фаолият юритаётган легионерлар: 

Карлос Эдуардо (Бразилия)
Альберто Ботиа (Испания)
Себастьян Жовинко (Италия)
Бафетимби Гомис (Франция)
Андре Каррилло (Перу)
Хонатан Сориано (Испания)
Али Ал Ҳабси (Уммон)
Милош Дегенек (Австралия)
Омар Абдулраҳмон (БАА) 

"Ал Ҳилол"да осиёлик лимит учун уч нафар футболчи мавжуд. Жамоа хоҳласа ҳар учаласини рўйхатга киритади, хоҳласа бир ёки икки нафарини. Лекин бошқа футболчилар ҳам ўзига яраша кучли. Шу боис бош мураббий Зоран Мамич олдида вариантлар етарли, бироқ барибир кимни якуний рўйхатдан тушириб қолдириш борасида боши қотиши табиий.