ОЧЛ. "Ал Ҳилол" футболчилари бир дақиқалик сукут сақлашмади
22 фев 2018 14:41
Новости

ОЧЛ. "Ал Ҳилол" футболчилари бир дақиқалик сукут сақлашмади

Уммон пойтахти Мускатда бўлиб ўтган "Истиқлол" - "Ал Ҳилол" баҳсидан олдин Эрондаги авиаҳалокат сабаб бир дақиқалик сукут сақлашга келишиб олинганди.

Бироқ Саудия Арабистонининг "Ал Ҳилол" клуби футболчилари бир дақиқалик сукут сақлаш учун майдон марказига келишмади, ҳамма ўз жойида туриб олди. Ҳатто ҳакамлар ҳам уларни чақиришга уриниб кўришди, бироқ бу ҳам ўхшамади.

Маълумки, ўтган ҳафтанинг якшанба куни Эронда туманли об-ҳаво сабаб самолёт қулаб тушган ва бунинг оқибатида 66 киши ҳалок бўлганди. Ўйинда "Истиқлол" рақиб устидан 1:0 ҳисобида зафар қучди ва мағлубият сабаб "Ал Ҳилол" бош мураббийи Рамон Диас дарҳол ишдан олинди.