ОЧЛ-2017. "Насаф" плей-офф ўйинларига 25 нафар футболчини "заявка" қилди

Шу куни Рўзиқул Бердиев бошчилигидаги жамоа Баҳрайннинг "Ал Ҳидд" клубини Тошкентда қабул қилади. Бу ўйин ғолиби 7 февралда Саудия Арабистонида "Ал Фатеҳ" меҳмони бўлади.

"Насаф" ОЧЛ плей-офф баҳслари учун 25 нафар футболчини рўйхатдан ўтказди. "Аждарлар" агар гуруҳ босқичига чиқа олишса рўйхатга янги футболчилар қўша олишади.

Жамоанинг янги аъзоси Акмал Шораҳмедов ўзи учун одатий бўлган 2-рақамда рўйхатдан ўтказилди. Таркибда икки нафар легионер бор. Россиялик ҳимоячи Игорь Голбан ва сербиялик ҳужумчи Драган Черан.

Футболчилар орасида энг бўйдори дарвозабон Элдорбек Суюнов (190 см), энг бўйи пасти Акбар Муродов (162 см). Вазнлар бўйича эса Суюнов энг биринчи (85 кг), жамоадаги энг енгил футболчи эса Азизжон Ғаниев (60 кг).

Дарвозабонлар: Элдорбек Суюнов, Санжар Қувватов, Умиджон Эргашев

Ҳимоячилар: Акмал Шораҳмедов, Мақсуд Каримов, Ғолиб Ғайбуллаев, Игорь Голбан, Шерзод Аъзамов, Сайдулло Раҳматов, Нажмиддин Нормуродов

Ярим ҳимоячилар: Азизжон Ғаниев, Сирожиддин Қўзиев, Дилшод Раҳматуллаев, Шароф Муҳитдинов, Баҳром Абдураҳимов, Ислом Рашидхонов, Акбар Муродов, Одилжон Ҳамробеков, Фарруҳ Сайфиев, Дониёр Нарзуллаев

Ҳужумчилар: Шаҳбоз Эркинов, Дилшод Хушбаков, Ислом Кенжабоев, Бобир Абдихолиқов, Драган Черан